Vdekja e katër turistëve rusë në një hotel në Qerret të Kavajës duket se ka ardhur si pasojë e helmimit nga klori që është përdorur për pastrimin e pishinës ku ata u gjetën të pajetë.
Burime nga prokuroria bëjnë me dije se, kjo është një nga pistat kryesore për shkak se ditën kur ndodhi ngjarja është kryer edhe dizinfektimi me klor i pishinës.
Në pyetje është marrë edhe personi që ka pastruar pishinën e brendshme të hotelit “Gloria Palace” që ka ndihmuar hetuesit për të zbardhur ngjarjen.
“Turistët rusë komunikuan me personelin e hotelit dhe kërkonin tu vihej në dizpozicion pishina dimërore. Ajo ishte mbyllur prej 1 jave, ndërsa mëngjesin e së premtes e pastrova me klor.”– u shpreh punonjesi.
Pas kësaj dëshmie hetuesit kanë dyshime se mund të jetë përdorur sasia e madhe e klorit duke sjellë edhe asfiksinë e tyre. Për të provuar këtë hetuesit, kanë marrë kampionë të ujit për të mësuar sasinë e klorit që gjendej në të.
Burime për Fax News bëjnë me dije se për ngjarjen pritet te ketë edhe urdhër arreste, pas përgjigjes së ekspertizës se trupave të viktimave por edhe të kampioneve që janë marrë në pishinë dhe uji.
(E.D/faxweb.al)
Discussion about this post