Zbardhet lista paraprake e kandidatëve për deputetë të PD-së, emrat që po qarkullojnë

Ndërkohë që partitë e tjera tashmë kanë publikuar prej ditësh listat zyrtare të tyre të kandidatëve për deputetë, Partia Demokratike ende nuk ka dalë me një listë përfundimtare.

Hyrja me vonesë në zgjedhjet tashmë të përcaktuara për t’u mbajtur më 25 qershor, ka sjellë një vonesë të listave duke ngritur aludime se kush mund të jenë kandidatët e përzgjedhur. Gazeta “Panorama” shkruan se janë zbardhur disa prej emrave të parë të Lulzim Bashës, të cilët pritet të kryesojnë listat e kandidatëve për deputetë. Konkretisht, bëhet fjalë për një listë paraprake kandidatësh.

Basha, Berisha dhe Topalli, janë padyshim pjesë e tyre, ndërkohë që janë konfirmuar edhe disa prej të deleguarve në rrethe.

Emrat e kandidatëve të PD:

1. Edi Paloka,
2. Arben Ristani,
3. Dhurata Çupi,
4. Florjon Mima,
5. Flamur Noka,
6. Albana Vokshi,
7. Edmond Spaho,
8. Tritan Shehu,
9. Grida Duma,
10. Ervin Salianji,
11. Aldo Bumçi
12. Gent Strazimiri.

Në lista janë të përfshirë edhe anëtarët e PD-së në komisionet e vetingut si dhe kryetarët e partive aleate, sipas një marrëveshje të arritur më parë mes Bashës dhe tyre, konkretisht:

1. Nard Ndoka
2. Fatmir Mediu
3. Dashamir Shehi
4. Vangjel Dule

(XH.A/SHUPLAKA)