Zbardhet marrëveshja e Ilir Metës me Shpëtim Idrizin. Ilir Meta ka folur sot në një konferencë për shtyp duke dhënë detaje shumë të rëndësishme nga takimi që ka patur me kreun e PDIU-së. Ruajtja e votave është thelbi. Madje Meta ka shprehur sigurinë se PDIU-ja do rritet.
”Me atë tjetrin s’do merremi se jam i bindur që PDIU po rritet pavarësisht nga sondazhet për ta nxjerrë inekzistente.
LSI nuk rrezikon asgjë, më dëgjoni me vëmendje, këto janë përpjekje për të frikësuar qytetarët. LSI dhe PDIU do të jenë në bashkëpunim të ngushtë për të garantuar votën e gjithë qytetarëve.
Kjo nuk është aleancë e tyre kundër LSI apo PDIU, por kundër gjithë qytetarëve shqiptarë.
LSI apo PDIU kanë komisionerë në gjithë Shqiptërinë, dhe mos t’i shkojë asnjërit të prekë një votë, kjo nuk është fjala e Lulzim Bashës por fjala e Ilir Metës.
Këtë do t’ua bëj të qartë gjithë ndërkombëtarëve se ora që ndëshkon kartelin e drogës që frikëson qytetarët ka ardhur.
Çfarë të dhënash doni më shumë kur PD në Dibër në një orë takim foli kundër PDIU, mirë me LSI por me PDIU çfarë do thotë? Pra parti e katërt në Dibër.”, ka vazhduar më tej të argumentojë Meta.
Meta e ka quajtur Ramën dhe Bashën si dy ish-emigrantë. ”Më mirë të largohen dy ish-emigrantë se sa 56 % e shqiptarëve që duan të largohen nga vendi, pas Sierra Leones sikur jemi në luftë civile. ”, theksoi Meta. (V.G/SHUPLAKA)
Discussion about this post