Zbardhet motivacioni për shkarkimin e Kokëdhimës nga detyra e Sekretarit

Në dokumentin e firmosur nga anëtarët e Asamblesë Kombëtare, renditen disa arsye përse kërkohet shkarkimi i Koço Kokëdhimës.

Anëtarët shprehen se aktiviteti i Kokëdhimës është i shkëputur nga aktiviteti i partisë. Theksohet në dokument edhe retorika përçarëse që Koço Kokëdhima ka shfaqur brenda Partisë Socialiste.

Kërkesa

Mbështetur në Statutin e Partisë, Neni 18 “Detyrat e asamblesë”, Neni 22 “Masat disiplinore”, Neni 71 “Votëbesimi” si dhe në Rregulloren e AK “Për votëbesimin në parti”:

Bazuar në faktet se Sekretari për Reformën Strukturore dhe Emigracionin Koço Kokëdhima, prej disa muajsh ka krijuar një shqetësim konstant në bazën e partisë me retorikën përçarëse dhe me aktivitetin vetjak të shkëputur nga kuadri i veprimtarisë së partisë, të përcaktuar nga Asambleja Kombëtare dhe Kryesia e Partisë Socialistë;

Bazuar në nenet 18, 22 dhe 71 të Statutit të PSH si dhe në nenet 1, 2, 3 dhe 4 të Rregullores për Votëbesimin në Parti”, kërkojmë:

Shkarkimin e Koço Kokëdhimës nga detyra e Sekretarit për Reformën Strukturore dhe Emigracionin të PSSH-së.

Anëtarët e Asamblesë Kombëtare

(XH.A/SHUPLAKA)