Ekspertët kimistë të ushtrisë i kthyen përgjigje prokurorisë së Tiranës pas ekzaminimeve të mostrave të gjakut të personave të helmuar në mitingun e Partisë Demokratike. Sipas kësaj përgjigjeje, pjesëmarrësit në mitingun e Partisë Demokratike nuk janë helmuar me lëndë luftarake, Sipas gazetares së Gazetës Shqiptare, Klodiana Lala.
Në shkresën e dorëzuar pranë organit të akuzës, bie në sy fakti se specialistët e Ministrisë së Mbrojtjes, nuk kanë mundur të përcaktojnë lëndën që u shkaktoi shqetësime 146 mbështetësve të PD-së, të pranishëm në mitingun hapës të fushatës elektorale.
Në kushtet, kur edhe Instituti i Mjekësisë Ligjore, nuk ka mundur të përcaktojë se çfarë elementesh shkaktuan djegie sysh, skuqje dhe marrje mendsh tek qytetarët, prokuroria është e detyruar të presë përgjigjet e laboratorëve gjermane. (B.H/Shuplaka)
