Kryetari i Bashkisë së Lezhës, Fran Frrokaj është shoqëruar në polici mesditën e sotme.
Shoqërimi në polici i kryebashkiakut u bë pas hetimeve të prokurorisë për shpërdorim detyre, pasi janë konstatuar shkelje.
Në raportin e plotë të KLSH-së brenda muajit Qershor 2016, gjatë një auditimi në bashkinë e Lezhës u konstatua se disa nga pronat që i kanë kaluar në pronësi Bashkisë Lezhë me VKM nr. 414, datë 11.7.2007.
”Për miratimin e listës përfundimtare të pronave të paluajtshme publike, shtetërore, që transferohen, në pronësi ose në përdorim, të Bashkisë Lezhë të Qarkut të Lezhës”, janë zënë nga të tretët dhe nga ana e Bashkisë nuk janë marrë masa për lidhjen e kontratave të qirave apo lirimin e tyre, veprime këto në kundërshtim me VKM apo të Këshillit të Bashkisë.
Gjithashtu për bashkinë Lezhë është rekomanduar, se duhet të marrë masa që pronat e kaluara me VKM nr. 414 datë 11.7.2007, të lirohen dhe të vijojë administrimi i tyre, sipas kërkesave të VKM nr. 54, datë 5.2.2014 “Për përcaktimin e kritereve, të procedurës dhe të mënyrës së dhënies me qira, enfiteozë apo kontrata të tjera të pasurisë shtetërore”.
(M.Q/Faxweb)
Discussion about this post