Ashtu siç e paralajmëroi dhe kryeministri Rama, Kuvendi ka pranuar kërkesën e Këshillit të Ministrave ku me propozim të deputetit Ervin Bushati do të bëhen disa shtesa në Kodin Penal, që iu ndalon daljen jashtë vendit nga 5 deri në 10 vite burg, çdo personi që kryen një krim elektoral.
Ky vendim është futur fshehurazi mbrëmë në mbledhjen e Komisionit të Ligjeve, pa pasur më parë një konsultim publik për të.
Ndërkohë në projektligjin e Bushatit lidhur me paralajmërimin e bërë më herët nga kryeministri Rama për ndalimin e daljes jashtë territorit të vendit të këtyre personave, propozohet që për të gjithë personat që cënojnë zgjedhjet e lira dhe sistemin demokratike të zgjedhjeve, t’ju hiqet e drejta për të kaluar kufinjtë e vendit.
Me propozimn të Këshillit të Minisrave, Kuvendi i Shqipërisë ka pranuar nismën e deputetit Bushati duke bërë këto shtesa në Kodin Penal:
Pas pikës 10, të nenit 30, shtohet pika 11, me këtë përmbajtje:
“11. Ndalimi i daljes jashtë territorit të Republikës së Shqipërisë”.
Neni 2
Pas nenit 43/a shtohet neni 43/b, me këtë përmbajtje:
Neni 43/b
Ndalimi I daljes jashtë territorit të Republikës së Shqipërisë
Neni 3
Në paragrafin e dytë, të nenit 44, togfjalësshi “…dhe 8…” zëvendësohet me “…8 dhe 11…”.
Neni 4
Ky ligj hyn në fuqi 15 ditë pas botimit në “Fletoren zyrtare”.
Më herët gjatë ditës Rama u shpreh:
Nuk do lejohet të dalin nga vendi 5-10 vite kush kryen krim elektoral;
Kjo masë do të kalojë nesër në Parlament;
E gjithë kjo rrëmujë bëhet nga frika e reformës në drejtësi;
Keqardhje për ata që i ndjekin se po përfundojnë burgjeve;
Shkojnë në burg për Lulin dhe për fallxhoren;
Nxisin njerëzit të bëjnë rrëmuja, vetë flenë në shtëpitë e tyre
