Ylli Manjani është shkarkuar përfundimisht nga posti i Ministrit të Drejtësisë dhe do zëvendësohet nga Petrit Vasili. Deri më tani kemi patur vetëm aludime për arsyet e këtij vendimi të kryeministrit Rama. Por cili është versioni zyrtar për shkarkimin e Manjanit?
“Tv Klan” ka zbardhur shkresën e firmosur nga Rama, në të cilën thuhet: “Në funksion të përmirësimit të mëtejshëm të cilësisë së bashkëqeverisjes dhe të koordinimit sa më të mirë të punës me Kuvendin, aktorët e tjerë shoqërore e grupet e interesit, për çuarjen përpara të Reformës në Drejtësi, kam gjykuar të nevojshëm lirimin e Ministrit Manjani dhe zëvendësimin e tij me Ministrin Vasili”.
Gjatë konferencës së mbajtur rreth orës 13:00, Manjani tha se presioni për largimin e tij është shtuar që pas ditës që ka bërë deklaratën për kanabisin. (D.D/Shuplaka)
Discussion about this post