Zbardhet si ndodhi plagosja e 2 vëllezërve në Velipojë, njëri në gjendje të rëndë. Në kërkim ende 25-vjeçari (DETAJET)

Zbardhet si ndodhi ngjarja e plagosjes së 2 vëllezërve në Velipojë, ku njëri prej tyre ndodhet ende në gjendje të rëndë. Në kërkim policia ka shpallur një 25-vjeçar.

DETAJET E PLOTA TË POLICISË:

”Në vijim të informacionit paraprak të  dhënë në lidhje  me një konflikt për motive të dobëta  ku mbetën të plagosur dy shtetas, më përfundim të veprimeve të para hetimore  u bë arrestimi i shtetasve:

Durim Tahiri, 24 vjeç, banues në fshatin Mali Kolaj, Njësia Administrative Velipojë, Shkodër,

Ervin Tahiri, 30 vjeç, banues në fshatin Mali Kolaj, Njësia Administrative Velipojë, Shkodër,

Besnik Ndoj, 35 vjeç, banues në fshatin Gomsiqe e Re, Njësia Administrative Velipojë, Shkodër.

Gjithashtu u bë shpallja në kërkim dhe po punohet për kapjen e shtetasit:

A.N, 25 vjeç, banues në fshatin Gomsiqe e Re, Njësia Administrative Velipojë, Shkodër.

Shtetasit e lartpërmendur janë konfliktuar me armë dhe mjete të forta, midis tyre, ku si pasojë e këtij konflikti janë plagosur me armë zjarri shtetasit Ervin Tahiri i cili është në gjëndje të rëndë shëndetësore dhe Durim Tahiri i cili mdodhet jashtë rrezikut për jetën.

Në vendin e ngjarjes u gjet dhe u sekuestrua në cilësinë e provës materiale një armë zjarri automatik model 56, sëbashku me dy krehëra me 42 fishekë.

Materialet i kaluan  Prokurorisë së Rrethit Gjyqësor Shkodër për veprat penale të “Vrasjes me paramendim, kryer në bashkëpunim e mbetur në tentativë” dhe “Prodhim, dhe mbajtja pa leje e armëve luftarake dhe municioneve”, të parashikuara nga nenet 78-22, 25 dhe 278 të Kodit Penal.” (V.G/SHUPLAKA)