Paraditen e sotme, partitë e vogla të majta kanë zhvilluar një takim me kryeministrin Rama në selinë e PS-së, pas të cilit u shprehën përmes një deklarate për mediat se do të mbështesnin Partinë Socialiste dhe bënë thirrje që çdo votë e tyre të shkojë për PS-në.
Burime për “Shuplaka” kanë zbardhur këtë takim ku mësohet se Rama u ka kërkuar ndjesë aleatëve për mosrespektimin e marrëveshjes me ta, për shkaqe teknike dhe mungese experience.
Kujtojmë se kreu i PS pati një marrëveshje me partitë e vogla të majta që konsistonte në respektimin e siglave të tyre. Marrëveshja e 2013-ës ishte që partitë që marrin më shumë se 10.000 vota, do të përfaqësoheshin në nivele drejtorsih apo zv/ministrish. E në këtë rast, i vetmi i vlerësuar ka qenë Petro Koçi.
Gjithashtu, të njëjtat burime bëjnë të ditura se Rama ka kërkuar që partitë e vogla të përqëndrojnë punën në zonat ku kanë influencë dhe të kërkojnë vota vetëm për PS-në, me qëllim arritjen e 71 mandateve.
Ai ka siguruar partitë se çdo shpenzim për fushatat përkatëse elektorale, do të mbulohet nga Partia Socialiste.
Në takimin me to, nuk ishin të pranishëm aleatët e Partisë Socialiste, si për shembull: Spartak Ngjela, Paskal Milo, Skënder Gjinushi, të cilët janë shprehur kundër kësaj marrëveshje të kërkuar nga kreu i PS-së.
(XH.A/SHUPLAKA)
Discussion about this post