Zbardhet takimi mes Kryemadhit dhe Kim, kryetarja e LSI-së: I shpreha mbështetjen e plotë për 3 prioritetet

Kryetarja e LSI-së Monika Kryemadhi, ka reaguar pas takimit me ambasadoren amerikane në Shqipëri, Yuri Kim.

Kryetarja e LSI-së shprehet se e mbështet plotësisht ambasadoren amerikane në 3 prioritetet që ajo ka vendosur gjatë mandatit në vendin tonë, që janë siguria, ekonomia dhe zhvillimi demokratik i vendit.

Mes të tjerave Kryemadhi thotë se me ambasadoren Kim, floën dhe për nevojën që ka vendi për përfundimin sa më të shpejtë të Reformës Zgjedhore.

Postimi i plotë i Kryemadhit:

Sot kisha kënaqësinë ti uroja një mandat të suksesshëm në Shqipëri, Ambasadores znj. Yuri Kim, si përfaqësuesja e aleatit tonë strategjik SHBA.

Shpreha mbështetjen e plotë për 3 prioritetet e Ambasadores Yuri Kim në Shqipëri, në fushën e sigurisë, në fushën e forcimit demokratik si dhe në aspektin e bashkëpunimit ekonomik dhe të zhvillimit, për të cilat LSI ndan të njëjtin vizion dhe të njëjtin vlerësim.

Vlerësoj në mënyrë të veçantë theksin në prioritetet e bashkëpunimit ekonomik të cilat janë domosdoshmëri që vendit t’i kthehet një rritje e qëndrueshme ekonomike dhe të ofrojë punësim, veçanërisht për rininë.

Vlerësova gjithashtu mbështetjen e pakufizuar që SHBA jep për procesin e integrimit të Shqipërisë në Bashkimin Evropian dhe përkrahjen e vazhdueshme për realizimin e reformave që kërkon axhenda jonë e integrimit.

Ndamë bindjen e përbashkët që përfundimi sa më i shpejtë i reformës zgjedhore sipas standarteve të OSBE/ODIHR është i një rëndësie prioritare.

Vlerësova partneritetin strategjik me SHBA për forcimin e paqes, të zhvillimit dhe të integrimit të rajonit tonë.