Gjykata Kushtetuese ka zbardhur vendimin për deputetin e Partisë Socialiste, Rakip Suli. Kjo e fundit ka rrëzuar kërkesën e Partisë Demokratike, e cila e akuzon se ka përfituar fonde publike.
Por ky pretendim është rrëzuar nga Kushtetuesja.
Anëtarët e gjykatës janë ndarë për këtë vendim, ku katër anëtarë kanë qenë pro vijimit të shqyrtimit, katër të tjerë kanë qenë kundër vijimit të shqyrtimit ndërsa anëtari i 9-të, Sokol Berberi, ka mbajtur të njëjtin qendrim si ndaj deputetit Koço Kokëdhima, ku është shprehur se Kuvendi jo në çdo rast mund ti dërgojë kërkesat për shqyrtim në Kushtetuese.
Për këtë arsye, ndarja e votave 5 me 4 ka berë që Gjykata të marrë vendimin për t’ia kthyer sërish Kuvendit kërkesën për papajtueshmërinë e mandatit të deputetit Rakip Suli.
Deputeti nga Peshkopia, por që është zgjedhur si deputet i qarkut Tiranë në zgjedhjet e vitit 2013, Rakip Suli, akuzohet nga opozita se ka marrë me qira një godinë të OSHE-së, çka bie në konflikt interesi me detyrën që ai mban.
Më 9 maj 2016, Gjykata Kushtetuese, për të njëjtat akuza, i hoqi mandatin ish-deputetit Koço Kokëdhima
Vendimi i plotë i Gjykatës Kushtetuese:
