Fax News ka siguruar vendimin e Gjykatës së Posaçme të Apelit për ish-ministrin e Brendshëm Saimir Tahiri, e cila vendosi rikthimin e çështjes së tij në pikën zero, dhe duhet hetuar edhe njëherë nga e para. Në vendimin e GJKKO-së thuhet se Gjykata e Shkallës së parë gaboi në rikualifikimin e veprës penale, nga pjesëmarrje në grup të strukturuar kriminal në shpërdorim detyre.
Sipas Apelit të GJKKO-së thuhet se Tahirit dhe Çelës nuk iu tha mundësia që të mbroheshin për akuzën e re që u formulua gjatë rrugës, dhe se akuza e shpërdorimit të detyrës duhet ti atribuhohet një vepre të caktuar penale.
“Gjykata gaboi në riformulimin e veprës penale, Tahirit dhe Çelës nuk i dha mundësia që të mbroheshin për akuzën e re. Prokuroria ka qenë kontradiktore në faktet që ka paraqitur, pasi për Tahirin rrugës u shtua dhe një akuzë për kultivim të kanabisit”.
Ndërkohë në një pikë tjetër të dosjes thuhet se nuk janë marrë parasysh lidhjet e Tahirit me grupin kriminal, dhe thuhet se kjo duket se është lënë që të miratohet nga një ”deklaratë me shkrim” e vetë personave të përfshirë.
“Në lidhje me vendimin e apeluar prej tyre, Prokurorët e çështjes theksojnë se ”gjykata është kontradiktore në vendimmarrjen e saj, se nga njëra anë ka evidentuar në mënyrë të hollësishme provat er paraqitura nga prokuroria në ngarkim të të pandehurit Saimir Tahiri në lidhje me p[ersonat e tjerë të grupit kriminal Moisi dhe Florian Habilaj, gjatë kohës së ushtgrimit të aktivitetit kriminal në trafikimin e narkotikëve, dhe nga ana tjetër e konsideron këtë si shpëfdorim detuyre.
Të gjitha rrethanat dhe kontaktet e të pandehurve, që pranohen nga gjykata, duhet të isjhin vlertësuar si prova, që të vlerësonin qenien e tyyre pjesë të grupit kriminal. Në rastin në Gjykim gjykata nuk mund të presë që të miratohet me shkrim marrëdhënia mes të panderhurve, por të analizojë veprimet konktrete që janë kryer nga pjestarët e grupit. Dhe nëse këto veprime e bëjnë bashkëpunimin e posaçëm, sipas nenit 28/4 dhe 333/a të Kodit Penal”, thuhet në një pjesë te dosjes së zbardhur nga Faxweb.al.
Gjykata e cilëson si jopërfundimtar vendimin që është marrë në Katania të Italisë pasi nuk plotëson kushtet, dhe kjo nuk mund të merrej në konsideratë nga ana e drejtësisë shqiptare.
Tashmë çështja e Saimir Tahirit pas 3 vitesh do të rikthehet për rigjykim nga fillimi teksa ish- ministri e ka cilësuar si të padrejtë këtë vendim dhe një zvarritje të qëllimshme.
Me shumë gjasa kjo dosje e bujshme do të merret në ngarkim nga ana e gjykatës së lartë, kur kjo e fundit të nisë nga funksionimi.
(E.K/Faxweb.al)
Discussion about this post