Zbulohet autori dhe motivi i dyshuar i vrasjes së teknologut të KPTHN-së së Ballshit, Shefo Durajt, në pyllin e fshatit Kalenjë të Mallakastrës, ngjarje e ndodhur në nëntor të vitit 2016.
Policia ka njoftuar ditën e sotme se 41-vjeçari Feti Yzeiraj është prangosur si autori i dyshuar i vrasjes së Durajt. Sipas burimeve zyrtare të polcicisë, autorit të dyshuar i është gjetur aparati celular i viktimës që rezultonte prej gati një viti i zhdukur.
Ndërkohë, nga burime të tjera të bluve është mësuar se i prangosuri ka qenë prej kohësh nën vëzhgim dhe përgjim, pasi dyshohej se ai mund ta kishte kryer krimin për hakmarrje. Kjo, pasi rezulton se babai i viktimës dyshohet se ka vrarë kohë më parë gjyshin e Yzeirajt.
Burimet sqarojnë se nga gjurmimi që është kryer lidhur me vendodhjen e aparatit celular të viktimës, është konstatuar se gjendej në të njëjtat koordinata me shtëpinë e autorit të dyshuar. Nisur nga kjo provë e siguruar së fundmi është ushtruar kontroll në banesën e Yzeirajt dhe është bërë e mundur gjetja dhe sekuestrimi i aparatit celular të viktimës. Menjëherë pas sigurimit të kësaj prove Prokuroria e Rrethit Gjyqësor Fier ka nxjerrë urdhër ndalimin për veprën penale “vrasje me dashje” ndaj 41-vjeçarit Feti Yzeiraj, banues në fshatin Aranitas, Mallakastër. Shefo Duraj u zhduk dy javë para se të gjendej trupi I tij në pyllin e fshatit Kalenjë. S
ipas burimeve të atëherhsme të policisë, Duraj kishte përfunduar turnin e tretë dhe ishte larguar nga ambjentet e KPTHN-së së Ballshit ku punonte prej 20 vitesh. Por, që prej atij moment atë nuk e kishte parë më njeri. Pas dy javësh nga zhdukja, trupi i tij u gjet i dekompozuar në pyllin e fshatit Kalenjë. Ekspertët mjeko-ligjorë konstatuan plagë dhe fraktura të kafkës dhe ngritën dyshimet se vdekja kishte ardhur si pasojë e goditjeve me sende të forta.
(E.K/SHUPLAKA)
Discussion about this post