Këtë të shtunë fillon zbatimi i amnistisë për personat e dënuar dhe të atyre që janë në proces hetimi apo gjykimi.
Televizioni “Top Channel” raporton se dy javë pas botimit në fletoren zyrtare, përllogaritja ka përcaktuar datën 14 për hyrjen në fuqi të amnistisë.
Mësohet se Drejtoria e Burgjeve do të verifikojë këtë të martë listat e ardhura nga të gjitha burgjet për të dënuarit që përfitojnë.
Kjo do bëhet në mënyrë që mos të ketë lirime abuzive apo keqllogaritje të kohës së burgimit.
Kështu, këtë të shtunë pritet të lirohen të gjithë ata që nuk janë dënuar më shumë se 3 vite burg si edhe atyre që u ka mbetur 3 vite burg dhe që nuk kanë ndalesa për vepra të tjera të rënda që parashikohen në këtë ligj.
Në kuadër të amnistisë, nga burgu do të lirohen edhe gratë që kanë mbushur 55 vjeç dhe burrat që kanë mbushur 60 vjeç, por që nuk janë dënuar për vepra të rënda. (D.D/Shuplaka)
Discussion about this post