Hetimet rreth ekzekutimit të Arian Gosës janë duke ardhur drejt fundit, kjo pasi është zbërther jo vetëm skena e krimit, por edhe është arrestuar autori, bashkëpunëtori dhe janë sekuestruar provat e përdorura gjatë tij.
Autori i krimit Habib Rexha u identifikua nga policia nga një kamera sigurie që ndodhet në një biznes rreth 100 metra larg lokalit ku ndodhi ngjarja.
Dy ditë pas krimit ai u vetëdorëzua në polici, ku edhe konfirmoi se eksekutoi Gosën me anë të një videoje krah të atit.
Sakaq, policia e Kavajës ka bërë me dije se Ervis Kurti që mbremjen e djeshme u shoqërua në komisariat, pasi ndihmoi Rexhën të arratisej, është arrestuar për ‘përkrahje e autorit të krimit’.
Gjithashtu, shërbimet e Policisë kanë gjetur vendin e armës së përdorur nga autori për vrasjen e shtetasit A. G., dhe po punojnë për nxjerrjen e saj.
Njoftimi i Policisë:
Kavajë
Specialistët për Hetimin e Krimeve të Komisariatit të Policisë Kavajë, në vijim të veprimeve hetimore të kryera në drejtimin e Prokurorisë, për zbardhjen e rrethanave të ngjarjes së ndodhur më datë 21.05.2023, në një lokal, ku mbeti i vrarë një shtetas, bazuar në provat e siguruara gjatë hetimit dhe në informacionet e siguruara nga inteligjenca informative, kanë ndaluar shtetasin E. K., 29 vjeç, banues në Kavajë, për veprën penale “Përkrahja e autorit të krimit”.
Nga veprimet hetimore ka rezultuar se ky shtetas ka ndihmuar autorin e vrasjes, shtetasin H. R. (i ndaluar ditën e djeshme) që të largohej nga vendi i ngjarjes pas kryerjes së krimit, duke e marrë në automjetin e tij.
Automjeti u gjet dhe u sekuestrua në cilësinë e provës materiale.
Gjithashtu, shërbimet e Policisë kanë gjetur vendin e armës së përdorur nga autori për vrasjen e shtetasit A. G., dhe po punojnë për nxjerrjen e saj.
Discussion about this post