Drejtuesve të policisë do ti kërkohet të deklarojnë nëse kanë përdorur telefona të enkriptuar SKY EEC APO ENCRO CHAT. Agjencia e Mbikqyrjes Policore e drejtuar tashmë nga Florjan Sulejmani pas doreheqjes së Ardi Veliut ka pergatitur draftin për ndryshimet e nevojshme ligjore.
Ky vendim vjen pasi nga zbërthimi i aplikacionit ‘SKY’ janë arrestuar disa zyrtarë të policisë së shtetit. Mes tyre ish-shefi i Operacionales Oltion Bistri, i arrestuar në kuadër të operacionit “Metamorfoza”, apo edhe Dedan Gjoni, shefi i krimeve në komisariatin nr.6 në Tiranë, i arrestuar vetëm para pak ditësh.
