Zbret të pastrojë gurët në rrugë, 39-vjeçari shtypet nga makina e tij

Një ngjarje e rëndë është shënuar së fundmi në Krujë, ku ka gjetur vdekjen një shtetas 39-vjeçar, i identifikuar si A. S. banues në Krujë.

Ngjarja ka ndodhur mbrëmjen e djeshme, rreth orës 22:30, në lagjen nr. 4 të qytetit të Krujës.

Burime të policisë kanë bërë me dije se ky shtetas duke parkuar mjetin e tij tip “Benz” kamioncinë me targa DR4621E, ka hasur në një pengesë. Ai ka zbritur nga mjeti për të larguar gurët, kur në atë moment mjeti ka lëvizur mbrapsht duke aksidentuar për vdekje shtetasin e mësipërm.

Materialet për këtë rast i janë kaluar Prokurorisë Krujë për vlerësimin e plotë të ngjarjes. (XH.A/SHUPLAKA)