Zbulimi i prindërve të minorenes, reagon opozita: Shkelje flagrante e ligjit, ky është përdhunim shtetëror

Pas publikimit të takimit nga ministrja Elisa Spiropali me prindërit e të miturës që u abuzua seksualisht në Kavajë, ka reaguar opozita.

Zëdhënësja e Partisë Demokratike Ina Zhupa në një postim në rrjetet sociale shkruan se është kriminale të përdorësh fatkeqësinë dhe dhimbjen e prindërve për të mbuluar përgjegjësinë e kësaj qeveria në zbatimin e ligjit.

Po ashtu dhe deputetja e LSI-së Klajda Gjosha e ka cilësuar publikimin e prindërve si një shkelje flagrante të ligjit “për të drejtat dhe mbrojtjen e fëmijës” nga ana e kryeministrit nxjerren e prindërve të cilën e sheh si publik të imazhit të vetë vajzës së mitur.

Ajo nxit shoqërinë, institucionet dhe mediat të reagojnë për këtë veprim të paprecedentë.

Postimi i Klajda Gjoshës

Publikimi i imazhit të vajzës së mitur në Kavajë, me zë dhe figurë është shkelja më flagrante e ligjit “Për të drejtat dhe mbrojtjen e fëmijës”. Neni 17, Liria e jetës private, pika 3, e shpreh qartë se ‘privatësia e fëmijës respektohet në të gjitha fazat e procedurave gjyqësore apo administrative, duke përfshirë̈ edhe publikimin e tyre në media’.
Unë mund të kuptoj çdo gjë në këtë shtet, por që kryeministri të shkelë të drejtën e një fëmije të dhunuar për privatësi, është e papranueshme dhe e dënueshme!
Do ta ftoja të gjithë shoqërinë, institucionet dhe mediat të reagojnë për këtë veprim të paprecedentë!

Postimi i Ina Zhupës

Përdhunim shtetëror për të pastruar imazhin e vet Elisa e doganave pas idiotësisë që ” ngjarje te tilla ndodhin kudo, madje bëhen dhe filma”. Kjo qeveri ska turp!

Elisa ka kaluar pertej cdo imagjinate per te bere te vetmen gje qe bën kjo mazhorance qe eshte propaganda. Eshte kriminale te perdoresh fatkeqesinë, dhimbjen e prinderve per te mbuluar pergjegjesinë e kesaj qeverie ne zbatimin e ligjit dhe mos trajtimin me pergjegjshmeri te ngjarjes se Kavajës. E pakonceptueshme bërja publike e fytyrave dhe emrave të prindërve dhe gjyshit të viktimës së Kavajës. Mos respekt për viktimën, dhunim i tyre për së dyti.

Dje tv kombëtare nuk shfaqen emra, as fytyra për mos ta bërë dramën edhe më të madhe. Sot Elisa bën vizitoren e paskrupullt që kërkon të shlyej idiotësinë e saj me fatin e keq të një familje. Turp dhe krim, ky është përdhunim shtetëror.