Policia ka zbuluar rreth 250 kilogramë kannabis në Karaburun të Vlorës, gjatë pasdites së sotme. Mësohet se lënda narkotike e cila ishte ndarë në 10 çanta, kishte si destinacion Italinë.
Sasia e lëndës narkotike u zbulua në zonën e Gjirit të Bristanit, megjithatë policia mendon se edhe në zonën e pyllit mund të jenë fshehur akoma sasi të tjera.
Njoftimi i policisë:
“Kontrolli po vazhdon me forca të përbashkëta të Drejtorisë Kufirit Vlorë, Delta Force dhe DVP Vlorë. Deri tani lënda narkotike është rreth 250 kg. Po kontrollohet dhe Gjiri i Dafinës ku deri tani janë gjetur 10 bidona benzine.Lenda narkotike në këtë zonë është transportuar me kafshë duke shfrytëzuar rrugët malore të veshtira që të çojnë në zonën mbas Karaburunit.”. (D.D/Shuplaka)
Discussion about this post