Faxweb.al ka mësuar emrat e tre gjyqtarëve që janë përzgjedhur të gjykojnë çështjen e Izet Haxhisë. Burime bëjnë me dije se tre gjyqtarët e zgjedhur me short në KLGJ janë: Sokol Binaj, Dhimitër Lara dhe Ndue Dreni. Në ditët në vijim pritet që Gjykata e Apelit të përcaktojë dhe datën për nisjen e seancave, ku Haxhia ka kërkuar rihapjen e dosjes së tij.
Kujtojmë se Izet Haxhia është dënuar me 25 vite burg nga gjykatat shqiptare për vrasjen e Azem Hajdarit, akuzë që ai e mohon ndërsa gjykimin e cilëson të padrejtë pasi është bërë në mungesë. Gjatë kohës kur ka ndodhur vrasja ai ka qenë truprojë i ish-kryeministrit Sali Berisha.
Izet Haxhia u arrestua në vitin 2006 në Turqi, por drejtësia turke nuk ishte shprehur ende për ekstradimin e tij, ndonëse pala shqiptare kishte bërë kerkesa të vazhdueshme në kohën kur në pushtet ishte Sali Berisha.
Për 12 vjet me radhë gjykata turke kishte urdhëruar thjesht që ai të mos largohej jashtë vendit, ndërsa në shkurt të këtij 2018 befas u mor vendimi që ai të ekstradohet.
(E.K/FAXWEB.AL)
Discussion about this post