Kreu i Partisë Demokratike Lulzim Basha,ndryshe nga sa ishte parashikuar, nuk do të takohet sot me Mogherinin. Shkak për këtë është bërë vizita në Gjermani e Bashës, që sot hyn në ditën e tretë të saj.
Përfaqësuesja e lartë e BE-së vjen në Tiranë për të dorëzuar rekomandimin për çeljen e pakushtëzuar të negociatave me Shqipërinë.
Ndërkohë që në takim me Mogherinin do të jetë nënkryetari i PD-së, Edi Paloka dhe kryetarja e LSI-së, Monika Kryemadhi. Takimi është planifikuar të zhvillohet në orën 12:00.
Mogherini do të nisë takimet me Presidentin Meta, ndërsa në orën 11:15, do të ketë një konferencë me Edi Ramën në Kryeministri.
(E.K/FAXWEB.AL)
