Ngjarja në të cilën një shqiptar 43 vjeçar u akuzua për vrasjen e një çifti pensionistësh në Suffolk të Britanisë është rikthyer sërish në mediat britanike pas janë zbardhur disa detaje.
Ali Qazimaj, i njohur edhe me emrin Vital Dapi, ka rrëfyer para policisë britanike se kishte menduar se pensionistët ishin milionerë, prandaj kishte tentuar t’i grabiste, por situate i kishte dalë nga duart. Më pas ai është ekstraduar nga Luksemburgu për në Britani në lidhje me vrasjen e dyfishtë.
Kështu Qazimaj vrau çiftin e moshuar në Sufolk, dhe më pas i fshehu trupat e tyre. Nuk është gjendur ende trupi i gruas së moshuar dhe policia po vazhdon kërkimet për të. Ajo dyshohet se është zhdukur në pyll nga autori. Ngjarja e rëndë ka ndodhur më 3 qershori të vitit të kaluar. Fill pas krimit Qazimaj u arratis në Francë. Por, për këtë krim ai rrezikon të dënohet me burgim të përjetshëm.
Sipas raportimeve, Ali Qazimaj është nga Rinasi i Tiranës, pavarësisht se në Britani ka hyrë si refugjat lufte i Kosovës.
Karim Khalil nga Gjykata e Ipswich tha se i pandehuri mohon të quhet Vital Dapi, por se pretendimi i tij është thjesht gënjeshtër. “Në zemër të këtij rasti është një mosmarrëveshje në lidhje me identifikimin. Ne themi se Ali Qazimaj vrau këta dy persona. I pandehuri mohon të qenit Ali Qazimaj. Ai pretendon të jetë një njeri i quajtur Vital Dapi. Ne themi se është thjesht një gënjeshtër”, tha ai cituar nga Daily Mail. (J.V/Shuplaka)
Discussion about this post