Gazetari Genci Angjellari i “Stop” u godit fundjavën e kaluar në një fshat të Tiranës. Sjellim në vëmendje që gazetari Genci Angjellari po ndiqte problematikën e ndotjes mjedisore në këtë fshat.
Sipas policisë ngjarja ka ndodhur në fshatin Stermas të Tiranës dhe është shpallur në kërkim një grua me iniciale M.T. 42 vjeçe e cila ka goditur me sende të forta gazetarin i cili po punonte për një temë të ngarkuar nga redaksia.
Mësohet se ky skandal mjedisor është i përmasave të fikshme në jetën dhe shëndetin e të gjithë banorëve të zonës prandaj dhe nuk u lejua gazetari nga personat e interesuar që ky skandal të publikohej, të cilët veç masave për fshehjen e gjurmëve, kanë goditur edhe gazetarin.
Por duhet të themi që gjithcka është regjistruar dhe dokumentuar nga kamerat e “Stop”. Pamjet filmike që do të transmetohen sot flasin për një çështje që ka të bëjë me një shkelje mjedisore.
DETAJE:
Më datë 06.07.2017, u referuan materialet në Prokurorinë e Rrethit Gjyqësor Tiranë dhe punohet për shoqërimin e shtetases M.T, vjeç 42, banuese në Tiranë, pasi dyshohet se në fshatin Stermas, për shkak të detyrës si gazetar investigativ, ka goditur me sende të forta shtetasin G.A, vjeç 33 banues në Tiranë. Nenet 237 dhe 285/b të Kodit Penal. (J.V/Shuplaka)
