Të tjera detaje zbulohen lidhur me mashtrimin nëpërmjet “Facebook”-ut me fotografinë e aktores venezueliane Elisabeth Gutierrez, ku drejtori i postës Barush Ahmeti akuzon vajzën nga Manza se i zhvati 60 milionë lekë.
Ndërkohë që Specialistët e Seksionit Kundër Krimit Ekonomik dhe Financiar po kryejnë hetimet, gazeta Panorama ka publikuar disa detaje nga përballja mes Ahmetit dhe Enertila Beqajt në Policinë e Durrësit.
Ish-çifti janë takuar përballë njëri-tjetrit për herë të parë vetëm një ditë më parë, në ambientet e Policisë së Durrësit.
Barush Ahmeti pretendon se dhuratat e tij dhe faturat e paguara për ndërtimin e shtëpisë së vajzës arrijnë në kuotën e 60 milionë lekëve të vjetër, shifër e hedhur poshtë nga 27-vjeçarja, e cila nuk pranon që i dashuri i saj virtual të ketë shpenzuar shifra të tilla përgjatë dy viteve njohje.
Policia ka bllokuar të gjitha sendet me vlerë të vajzës, duke filluar nga rrobat e shtrenjta e deri tek mobiliet shtëpiake.
27-vjeçarja ka pranuar në sy të tij se kishte marrë dhurata nga ai, por ka refuzuar që shifra e të gjitha shpenzimeve të kapte vlerën e 60 milionë lekëve të vjetër.
“Më ke blerë disa fustane, varse, vathë, ora, e bizhuteri të tjera. Ke paguar disa fatura për shtëpinë, por nuk mendoj se kapin shifrën e 60 milionëve. Kjo është e vërteta. Pastaj, sa i përket mashtrimit në ‘Facebook’, mbaj përgjegjësi unë. E kam pasur të vështirë të tregoja të vërtetën, pasi kisha frikë se mos lidhja jonë merrte fund. Nuk e kuptoj pse ndodhem në polici… Ti vetë m’i ke dhënë dhuratat dhe tani nuk e kuptoj pse e bëre kaq të madhe”.
Kjo ka qenë ajo çka 27-vjeçarja i ka thënë dje Barush Ahmetit në prezencë edhe të policisë. Ndërsa Ahmeti ka këmbëngulur se ajo po gënjen dhe se kishte shpenzuar për të shumën e 60 milionëve.
Ndërkohë policia dyshon që drejtori i Postës të ketë shpezuar plot 60 milionë lekë për të dashurën online, pasi edhe sendet e sekuestruara, duke filluar nga rrobatdhe bizhuteritë, janë të gjitha mall tregu. (D.D/Shuplaka)
Discussion about this post