Pas dorëheqjes së Kreshnik Spahiut nga kreu i Aleancës Kuqezi, kryetarja e re e partisë do të jetë Lumturi Ratkoceri. Ajo që vihet re është jetëshkrimi i saj i pasur.
Lumturi Ratkoceri ka lindur me 20 dhjetor 1963 në Tiranë, në një familje intelektuale dhe patriote. Ajo është e bija e “Mësuesit të popullit” Gani Demir Ratkoceri dhe mbesa e patriotit dhe firmëtarit të pavarësisë së Shqipërisë, Nebi Sefës. Lumturia është nënë e dy djemve 32 vjeç (avokat në Gjenevë) dhe 21 vjeç (student në Universitetin e Gjenevës). Që në moshë të re familja e saj u përball me “luftën e klasave” .
Babai i saj dënohet me 9 vjet burg nën akuzën për “Agjitacion e propagandë“. Në vitin 1991, ajo largohet nga Shqipëria dhe vendoset në Gjenevë (Zvicër). Ne vitet 2004-2007, në kushtet e një fushate denigruese dhe diskriminuese për komunitetin shqiptar nga ana e partisë ekstremiste më të fuqishme zvicerane UDC , zonja Ratkoceri si përfaqesuese e komunitetit shqiptar, mbrojti të drejtat e komunitetit.
Në vitin 2009, Lumturia, është kandidate për deputete nën siglën e partisë Demo-kristiane në parlamentin e kantonit të Gjenevës. Në vitin 2011, Lumturia kthehet në Shqipëri dhe bëhet një nga themeluesit e Aleancës Kuq e Zi. Që në 2011 ajo është anëtare e kryesise së AK.
STUDIMET
1978-1982 gjimnazi “Qemal Stafa“ Tirane
1984-1988 Fakulteti i shkencave natyrore, dega matematikë Tiranë
1997-2001 Shkolla e lartë e Menaxhimit (HES) Gjenevë
2005-2006 Specializim « Menaxhimi I institucioneve sociale » Universiteti i Gjenevës
EKSPERIENCA PROFESIONALE
2010 – 2013, Anëtare e Komisionit të Posaçëm Konsultativ , Ministria e Arsimit Gjeneve
2008 – 2011 , Konsulente tek Kompania „Hestia&partners „ Gjenevë
2004 – 2007, Drejtoreshë tek “Universiteti Popullor Shqiptar” Gjenevë
• Përpunimi, zhvillimi dhe koordinimi i aktiviteteve të UPSH
• Prezantimi dhe përfaqësimi i UPSH pranë autoriteteve të kantonit dhe të qytetit, përkatësisht : Ministrisë së Arsimit, Ministrisë së Brendshme, Ministrisë së Punes dhe të Solidaritetit
• Elaborimi i politikës së komunikacionit të UPSH-së dhe përfaqësimi i tij pranë mediave televizive
• Elaborimi, zhvillimi dhe menaxhimi i projekteve § Anëtare e grupit të punës të Byrose së Integrimit të kantonit të Gjenevës § Anëtare e platformës ‘Asile’ krijuar nga shoqatat private të subvencionuara nga shteti dhe ‘Hospice Générale’
EXPERIENCA PROFESIONALE (të tjera)
2002- 2003 , Fakulteti i Drejtësisë, Gjenevë
2000- 2001 , Komisariati i Lartë për Refugjatët (OKB), Gjenevë 1989-1991, Mesuese matematike në shkollën “Politeknike” , Tiranë.
Ish-kreu i AK Spahiu u shpreh i zhgënjyer nga Basha dhe PD me qëndrimin për marrëveshjen me PS që u arrit me 18 maj për të hyrë opozita në zgjedhje dhe kësisoj dha dorëheqjen e parevokueshme nga partia dhe politika.
Mbetet për tu parë udhëtimi i AK në politikë me kryetaren e re Lumturi Ratkoceri.
(M.D/Shuplaka)
Discussion about this post