Zbulohet dëshmia e Mikel Shallarit, vrasësit të komisarit Artan Cuku, rreth dy javë pas arrestimit. Gazetarja e kronikës Klodiana Lala, e ftuar në studion e lajmeve në “Neës 24” tregon se cfarë ka thënë Shallari ndërsa ka zbuluar edhe vendndodhjen e porositësve të krimit.
Gazetarja Klodjana Lala tha se Shallari, i cili ka folur në statusin e të penduarit, ka sqaruar se me dy personat që kanë porositur vrasjen e Cukut është njohur në një burg në Zvicër.
Mirëpo para se të jepte dëshminë Shallari ka kërkuar që familja e tij të merrej në mbrojtje nga frika për ndonjë hakmarrje të mundshme.
“Njëri është me origjinë nga Vlora dhe tjetri nga Fieri dhe arsyeja pse kërkonin vrasjen e komisarit ka qënë për shkak të hapjes së një dosje mes dy bandave rivale nga Vlora e Fieri, me shumë ekzekutime mes tyre, që ishte arkivuar deri në kohën që Cuku mori drejtimin e komisariatit të Vlorës”, është shprehur gazetarja.
Gazetarja e kronikës tregon gjithashtu edhe se i riu nga Kuçova ka treguar ku ka fshehur armët e krimit të cilat janë dy.
Ai ka dëshmuar të ketë udhëtuar drejt vendlindjes së tij Polovin, një fshat në Kuçovë, ditën e krimit dhe pikërisht aty ka fshehur dy pistoletat. Sipas gazetares Klodiana Lala, të dyja pistoletat janë gjetur në vendin e diktuar nga Shallari, por për të vërtetuar që janë ato armët e vrasjes së Cukut do të duhet analiza balistike, raporton BalkanËeb.
Kujtojmë se Artan Cuku u qëllua mbrëmjen e 8 Prillin me një breshëri plumbash në kohën kur po kthehej në banesën e tij. (D.D/Shuplaka)
