Ish-kreu i arkivës në Ministrinë e Brendshme, Kastriot Dervishi, ka publikuar një foto të rrallë të vitit 1946, ku shkrimtarja dhe politikanja Mosine Kokalari shfaqet përpara procesit gjyqësor, si dhe aktakuza kundër saj.
“Kjo është aktakuza kundër Musine Kokalararit para nisjes së procesit gjyqësor ndaj saj dhe të pandehurve të tjerë në vitin 1946. Sipër shihet njëra nga fotot që i janë bërë asaj (profili) gjatë kohës kur qëndroi e paraburgosur në hetuesi.”, shkruan Dervishi.
Musine Kokalari njihet si themeluese e Partisë Socialdemokrate në 1946-ën, dhe është konsideruar si kundërshtare e regjimit komunist, gjë e cila i kushtoi asaj 20 vjet në burg dhe më pas 22 të tjerë në internim në Rrëshen, ku vdiq në vitin 1983 nga kanceri. Kur trupi i saj u zhvarros vite më vonë, u zbulua që duart e saj ishin lidhur me tela me gjemba. (D.D/Shuplaka)
Discussion about this post