Godina 15 në Qytetin Studenti, që shkaktoi një debat të madh mes banorëve dhe autoriteteve e qeverisë, është shpallur i pabanueshën. Gazetarja e FaxNews, Edona Haklaj, ka arritur të sigurojë dokumentin mbi bazën e të cilit Drejtoresha e Konvikteve në QS dhe bashkia pretendojnë të nxjerrin jashtë banorët që jetojnë tek godina numër 15.
Sipas këtij dokumenti, aty është përcaktuar që godina ka dëmtime në mure dhe thuhet se ka rrezik për jetën e banorëve. “Të merren masa të menjëhershme për riparimin dhe përforcimin e objektit sepse rrezikohet jeta e banorëve”, thuhet në dokument.
Banorët që jetojnë me qera vjetore në Qytet Student nuk pranojnë të braktisin godinën pa patur më parë në dorë një akt inspektimi. Për t’i nxjerrë jashtë pak më parë mbërriti edhe Policia Bashkiake, ndërsa pati debate dhe përplasje të shumta.
E pranishme në vendngjarje ishte edhe deputetja e PS, Vasilika Hysi e cila iu propozoi banorëve që të gjejnë një shtëpi me qira dhe të ardhurat pastaj do jua kthejë bashkia. Ndërsa për ata që kanë të afërm, ajo iu kërkoi të shpërngulen përkohësisht tek ata.
(M. I./ Faxweb.al)
