Një dokument i CIA-s është bërë publik sot, nga i cili rezulton se si ishin organizuar gjatë Komunizmit, forcat mbrojtëse në ishullin e Sazanit, me kundërajrorë dhe mjete të tjera ushtarake.
Sipas dokumentit të CIA-s, të publikuar nga gazetari Erald Kapri, rezulton se pozicionet e mbrojtjes bregetare, në 1959 ishin të njëjta si në kohën e Luftës së II Botërore, mirëpo ishin më të organizuara dhe të kontrolluara me radar.
Dokumenti mban datën 17 dhjetor 1959 dhe zbulon gjithë detajet e armatës së gjirit të Vlorës.
“Kemi ngritur mit te rreme se gjoja gjate komunizmit kemi pasur nje shtet te forte. Ne te vertete ka qene thjeshte kriminal dhe krejtesisht vulnerabel.
Shtetet e Bashkuara dinin pothuaj çdo gje, madje edhe te dhenat qe regjimi krenohej dhe as qe e ka llogaritur ndonjehere!”, e komenton Kapri dokumentin.
Kështu pavarësisht se mendohej se Shqipëria ishte e izoluar nga Bota, në fakt nuk ishte plotësisht kështu pasi CIA ka arritur të zbulojë me përpikmëri të dhënat për forcat e mbrojtjes së këtij vendi kaq të vogël të kontinentit Europian. (D.D/Shuplaka)
Discussion about this post