Një ditë më parë ish-Kryeministri Berisha tha në parlament se Shqipëria i ka dalë kundër SHBA-së, pikërisht ditën kur u dha lajmi se presidenti i ri Donald Trump kishte fituar zgjedhjet.
Këto akuza Berisha i bazonte mbi një dokument, sipas të cilit Shqipëria ka vendosur të votojë pro rezolutës në Komitetin e OKB-së, duke dalë kundër qëndrimit të përgjithshëm të vendeve anëtare të NATO-s si dhe kundër SHBA-së.
“Syri.net” ka publikuar sot pikërisht dokumentin në fjalë, i cili fakton që Shqipëria dhe dy vende të tjera, pa ndonjë peshë të madhe në NATO, kanë votuar pro rezolutës në Kombet e Bashkuara, që bën fjalë për mbledhjen e një samiti gjatë vitit 2017, për të negociuar një instrument ligjor detyrues për të ndaluar armët bërthamore, që do të çonte në eliminimin e tyre të plotë.
Por para zgjedhjeve, në Komitetin e Parë në 14 tetor 2016, Shqipëria kishte votuar “jo” për këtë resolutë. Se çfarë e ka shtyrë Tiranën zyrtare të ndryshojë qëndrim nuk dihet, por duket se kjo ka të bëjë me fitoren e Donald Trump. (D.D/Shuplaka)
Discussion about this post