Zbulohet fabrika e drogës në Ohër, pronar i fshehur dhëndri i kryebashiakut të Pogradecit. Arrestohet

Në orët e para të mëngjesit të sotëm, policia maqedonase ka zbuluar një “fabrikë” droge në fshatin Orovnik të Ohrit.

Me këtë rast janë zbuluar 3.000 rrënjë ilegale të marijuhanës, 100 litra vaj kanabisi si dhe 600 kg kanabis i tharë.

Vlerësimet e para të policisë maqedonase flasin se vlera e drogës së konfiskuar është shumë e madhe.

Fabrika ka qenë e regjistruar si filial i kompanisë Greenego 2018 nga fshati Drsllajcë i Strugës, por nuk ka pasur licencë për prodhim të marijuhanës.

Sipas mediave maqedonase, në këtë aksion janë arrestuar 10 persona, në mesin e të cilëve edhe dhëndëri i kryebashkiakut të Pogradecit, për të cilin thuhet se ka qenë pronar i fshehur i kësaj “fabrike”. Mediat maqedonase lënë të kuptohet se bëhet fjalë për dhëndrin e Ilir Xhokollit, kryetarin aktual të Bashkisë Pogradec.