Një 43-vjeçar shqiptar, me emrin Gentian Kasa është ekzekutuar mbrëmjen e kaluar në Itali, menjëherë sapo doli nga banesa e tij, për t’u kthyer në burg.
Autorët e kishin ndjekur disa kohë dhe kishin kuptuar itenerarin e tij. Menjëherë sapo ai kishte dalë, ata e qëlluan me plumba në kraharor dhe në kokë, duke e lënë të vdekur në vend.
Sipas hetuesve, Kasa është goditur me katër plumba në gjoks dhe një në kokë, të kalibrit 7.65, kalibër jo i madh por që të gjithë kanë goditur në shenjë.
Ata shtojnë se bëhet fjalë ndoshta për akte të mafies së frikshme shqiptare që ka zënë rrënjë në disa lagje romane: Ponte Milvio, Primavalle, Ostia, San Basilio. Gentian Kasa ishte në përfundim të një dënimi për drogë dhe gjykata i kishte dhënë pjesërisht lirinë.
Shqiptari jetonte me gruan në rrugën Gabrio Casati, por çdo mbrëmje, në orën 23:00, kthehej për të fjetur në burgun e Rebibias. Ai bëri të njëjtën gjë edhe të shtunën, përshëndeti gruan dhe zbriti në rrugë për t’u kthyer në burg. Por, dikush tjetër i dinte të gjitha lëvizjet, vrasësi i tij.
Discussion about this post