Zbulohet gjoba që kërkohet nga Prokuroria për biznesmenin Rezart Taçi.
Sipas burimeve të ”Shuplaka”-s, mësohet se prokurorët i kanë kërkuar Gjykatës së Tiranës të dënojë biznesmenin me 10 milionë lekë të reja gjobë dhe t’i heqë të drejtën për të qenë administrator i ndonjë kompanie për 2 vite. Taçi akuzohet për mospagim taksash, në shumën e 6 milionë dollarëve.
Ish-manjati i naftës dhe administratori i ”ARMO”-s u arrestua në Zvicër për akuzën e “mospagimit të taksave dhe tatimeve”. Ndalimi i Taçit është bërë me urdhër të Prokurorisë Publike të kantonit të Gjenevës, për “mashtrim”, “Falsifikim të dokumenteve” e “Falsifikimi i vulave dhe i stampave ose i formularëve”. Hetimi kundër Taçit nisi pas kallëzimit të dy kompanive, njëra regjistruar në Panama “Ëallis Trading INC” dhe tjetra nga Hollanda “Trafigura Beheer Bv”, të cilat kishin me Taçin një marrëveshje tregtare.
Kështu Prokuroria Shqiptare u kontaktua nga autoritetet zviceriane për hetime ndaj kompanisë së Taçit, ku u sekuestruan kontratat e kompanive dhe personale dhe ku u pyetën 4 persona mes tyre edhe motra dhe nipi i Taçit.
Avokati i Taçit kërkoi gjykim të shkurtuar, por duke mos pranuar akuzën e mospagimit të taksave. Kërkesa u pranua nga gjykata. (V.G/SHUPLAKA)
