Kreu i PD-së Lulzim Basha ka treguar për herë të parë hobin e tij. Në një intervistë për “Zjarr tv”, Basha tregoi se ai është i pasionuar pas fotografive. Por kreu Basha tregoi se fatkeqësisht nuk i kushton shumë kohë hobit të tij.
Por ajo që tingëllon çuditshëm në këtë hobi të Bashës, është se ai pëlqen fotot me aparatët e vjetër dhe jo ata dixhital.
“Kam disa hobi. Por problemi është këtu, që hobi është një gjë që edhe të pëlqen edhe e bën rregullisht. Por unë nuk kam pasur shumë kohë. Dhe ajo pak kohë që më tepron ia kushtoj fëmijëve. Unë për shembull kam pasur hobi bërjen e fotografive. Por kam pasur hobi që të bëj foto me ato aparatet e vjetra dhe jo këto dixhitale. Hera e fundit që e kam ushtruar këtë hobi mund të ketë qenë deri në vitin 2005 ose 2004”,tha Basha.
Kreu i opozitës ka treguar se dy liderët që veçon në politikën shqiptare janë Ibrahim Rugova dhe Sali Berisha. (J.V/Faxweb)
Përgjigjen e keni në minutën e 30 në vidoen e mëposhtme.
Discussion about this post