Është propozuar dhe zëvendësuesi i Jorida Tabakut në komisionin Ad Hoc të Vetingut. Ai do të jetë deputeti tjetër demokrat Gerti Bogdani.
Kjo për shkak se pak ditë më parë Tabaku ka sjellë në jetë dy vajzat e saj çka e bën të pamundur praninë e saj në Komisione.
Seanca plenare është parashikuar të niste rreth orës 10:00, ndërsa në orën 14:00, do të ketë një tjetër seancë ku do të votohen anëtarët e Kolegjit të Apelimit dhe të Komisionit të vettingut.
“Në bazë të nenit 74, pika 2 të Kushtetutës së Republikës së Shqipërisë dhe nenit 42, pika 2 të Rregullores së Kuvendit, një e pesta e deputetëve të Kuvendit të Shqipërisë, nga të gjitha Grupet Parlamentare kanë depozituar sot, me shkresën Nr. 1553 Prot, kërkesën për thirrjen e sesionit të jashtëzakonshëm ditën e shtunë, datë 17 qershor 2017, drejtuar Kryetarit të Kuvendit”, u njoftua dy ditë më parë nga Kuvendi.
(E.K/SHUPLAKA)
Discussion about this post