Policia e Tiranës ka identifikuar autorin e vrasjes së të riut Marjo Majollari, që u vra dje në në zonën e Kinostudios.
Dyshimet e para të Policisë janë se autori i vrasjes është vëllai i Ilir Gjuzit, i cili u vra nga babai i Majollarit. Kastriot Gjuzi nuk është gjetur në banesë pas kontrolleve nga ana e policisë, dhe më pas është shpallur në kërkim.
Policia njofton se: Pas një pune intensive dhe profesionale, gjatë gjithë natës dhe orëve të para të mëngjesit, fiksimit të çdo prove në vendngjarje, si dhe një sërë veprimesh të tjera hetimore, u bë e mundur zbardhja e ngjarjes.
Specialistët e Sektorit për Krimet e Rënda në D.V.P. Tiranë, bënë shpalljen në kërkim të autorit të dyshuar:
- K.Gj., 40 vjeç, banues në Tiranë, i dënuar më parë.
Ky shtetas dyshohet se rreth orës 20:25, në rrugën “Aleksandër Moisiu”, për motive hakmarrjeje ka vrarë me armë zjarri shtetasin M.M., 28 vjeç.
Vijon puna intensive për gjetjen dhe arrestimin e autorit të dyshuar të shpallur në kërkim.
Materialet i kaluan Prokurorisë së Rrethit Gjyqësor Tiranë për veprat penale “Vrasjes për gjakmarrje” , “Mbajtje pa leje e armëve luftarake dhe e municionit” parashikuar nga nenet 78/a dhe 278/2 të Kodit Penal, në ngarkim të shtetasit K.Gj.
(E.K/FAXWEB.AL)
Discussion about this post