Zbulohet kush është vajza 28-vjeçare nga qyteti i Elbasanit, që u ndalua një ditë më parë nën akuzën se kishte mashtruar 5 persona, të cilëve në këmbim të një punë në shtet iu kishte marrë nga 500-2000 euro.
E reja quhet Klodiana Kuqi. Ajo u paraqitej “viktimave” të saj si një person që kishte njohje me drejtues institucionesh publike.
Madje, për ta vërtetuar një gjë të tillë, në profilin e saj në “Facebook” publikonte edhe foto me ministra. Këtë aktivitet të paligjshëm, 28-vjeçarja dyshohet se e kryente nga muaji Maj 2016 – Mars 2017.
Ajo i mashtronte njerëzit duke u thënë se do t’i punësonte në administratën shtetërore, si: Instituti i Sigurimeve Shoqërore, Posta Shqiptare apo edhe Drejtoria e Tatim-Taksave.
Mirëpo një detaj tjetër, jo më pak i rëndësishëm është zbuluar ditën e sotme. Kuqi në zgjedhjet lokale të vitit 2015, ishte pjesë e listës së kandidatëve për këshilltare të Bashkisë Elbasan nën siglën e Partisë Socialiste.
28-vjeçarja mësohet se ka qenë nën hetim gjatë kësaj periudhe që e reja ushtronte aktivitetin, për shkak të denoncimeve të marra nga qytetarë të ndryshëm.
Këta kanë deklaruar se pasi nuk punësoheshin, Kuqi nuk iu përgjigjej thirrjeve të tyre në telefon, çka i detyroi ata të bënin denoncimin. Mirëpo e reja nuk i ka pranuar akuzat ndaj saj. (D.D/Shuplaka)
[ngg_images source=”galleries” container_ids=”2447″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post