Zbulohet më në fund arsyeja, ja pse Noizyt i është ndaluar shkelja në Angli

Reperit shqiptar i është ndaluar të shkelë në Angli dhe këtë  e ka bërë edhe vetë ai të ditur para shumë kohësh.

Noizy u bë i njohur si lideri i grupit OTR dhe e bëri atë të njohur në tregun muzikor.

Mirëpo jo gjithçka ka qenë kështu siç duket në fillimet e krijimit të grupit.

Vetë reperi shqiptar ka deklaruar se ka jetuar prej vitesh në Angli dhe aty kanë nisur hapat e parë të krijimit të grupit.

Në vitin 2006 nëpër mediat angleze qarkulloi lajmi se grupi OTR ishte në listën e 200 bandave kriminale në Angli.

“Një bandë shqiptare kishte pushtuar internetin me videoklipe të dhunshme dhe fotografi të anëtarëve të saj me kallashnikovë,”- shkruanin mediat..

“Një grup nga Bromley i vetëquajtur OTR ka regjistruar dhjetëra video muzikore në vitin e kaluar (2005) dhe ka postuar shumë fotografi online ku shfaqen anëtarët e dyshuar të kësaj bande që mbajnë në duar pistoleta dhe armë të tjera potencialisht vdekjeprurëse. Shumica e videove janë të shoqëruara nga këngë rep me tekste kërcënuese dhe të dhunshme. Videoja e fundit u ngarkua në një faqe interneti, javën e kaluar në të cilin shfaqet një logo OTR, e cila nënkupton fjalët ON TOP OF THE REST. Në disa video shihen djem duke i dhënë makinave të shtrenjta, të veshur me bluza me shkrimin OTR dhe zinxhirë floriri. Në postime të tjera online të OTR, anëtarët e bandës shihen me bluza, kapele, tatuazhe dhe banera me flamurin shqiptar me shqiponjë. Drejtoria Speciale e Krimit ‘Scotland Yard’ e përfshiu grupin OTR në një listë prej më shumë se 200 bandave kriminale në kryeqytetin londinez. Policia e Bromley insiston që armët e tyre nuk janë të vërteta,”- vijon më tej gazeta “neësshoper.co.uk”.

Sipas intv.al kjo mendohet të jetë arsyeja e ndalimit të Noizyt për të shkelur në tokën angleze.

Por gjithsesi në ditët e sotme OTR është një nga labelat më të pëlqyer muzikorë, jo vetëm në Shqipëri, por kudo që flitet shqip.

(F.M/Faxweb)