Zbulohet një laborator përpunimi kanabisi në zonën e Skraparit, në vijim të operacionit të dy javëve më parë ku u gjetën plot 1.2 ton drogë.
Në laborator janë gjetur bimë të mbjellja në vazo (mbi 2000 rrënjë), si edhe një sasi e madhe kanabisi i tharë.
Droga ishte e mbjellë në vazo, droga e thatë në thasë dhe një laborator përpunimi i hashashit me pajisje ajrosjeje moderne.
Operacioni është kryer nga Prokuroria në bashkëpunim me Policinë, në një zonë të thellë ndërmjet Skraparit dhe Beratit, pranë HEC-it të Vlushës.
Gjatë këtij aksioni janë arrestuar dy persona të cilët dyshohet të kenë lidhje me sasinë e konsiderueshme të drogës.
Prokuroria vijon hetimet për identifikimin e të tjerë personave të implikuar në trafikun e lëndëve narkotike.
Mësohet se zbulimi i laboratorit u bë pas hetimeve të Prokurorisë së Krimeve të Rënda në vazhdim të çështjes së nisur pas kapjes se 1.2 tone kanabis ne fshatin Lapan mes Beratit e Skraparit.
Policia thotë se po vazhdon peshimi i drogës së thatë në thasë, ndërkohë jane sekuestruar pajisje moderne që përdoreshin për tharjen, ajrosjen dhe përpunimin e lëndës narkotike.
Laboratori është ndër modernët të zbuluar deri tani për përpunimin e lëndës narkotike. (M.D/ Shuplaka)
