Është bërë e mundur identifikimi i imazhit të njërit prej autorëve të grabitjes së djeshme të Bankës pranë ‘’21 Dhjetorit’’. Ai është filmuar në ambjentet përpara bankës pak më parë sesa të ndodhte tentativa e grabitjes.
Fotoja është siguruar nga kamerat e bizneseve të tjera që gjenden në zonë. Edhe më parë ishte folur se njëri prej grabitësve ishte veshur me xhup në ngjyrë të kuqërremtë gjë që e vërteton edhe fotoja.
Policia tashmë po punon për idenitfikimin e plotë të personit, jo vetëm të imazhit të tij.
Po si ndodhi ngjarja ditën e djeshme:
Duke qenë se ka qenë ora 9 e mëngjesit ata kanë menduar se nuk kishte punonjës në bankë dhe prandaj kanë zgjedhur pikërisht këtë orar. Mirëpo alarmi ka rënë dhe i ka gjetur ata të papërgatitur.
Ata kanë lënë pistoletën brenda në ambjentet e Bankës dhe janë larguar me një shifër të parave të marra jashtë kasafortës. Sipas burimeve kasaforta e Bankës nuk është hapur dot nga grabitësit. Policia ka mbërritur në vendngjarje dhe ka sekuestruar kamerat e sigurisë për të zbardhur më shumë detaje rreth ngjarjes. (E.K/ SHUPLAKA)
http://www.dailymotion.com/video/x55of3r_grabitja-e-bankes-ne-tirane-tek-21-dhjetori_news#tab_embed
