Zbulohet pse shumë qytetarë, që kishin blerë me paratë e tyre biletat për ”Liqenin e Mjellmave” u lanë jashtë shfaqjes dje në Korçë.
Arsyeja? Ardhja e kryeministrit dhe të besuarëve të tij që po ndiqnin shfaqjen dhe njëkohësisht inauguronin punimet e reja të teatrit. Kjo është foto pak para nisjes së shfaqjes ku kryeministri Rama ka folur para tyre.
Vetëm një ditë më parë në teatrin “Andon Zako Çajupi”, të qytetit të Korçës ka ndodhur një skandal përsa i përket hyrjes në këtë teatër të qytetarëve për të parë një shfaqje.
Qytetarët e Korçës, të cilët kishin blerë bileta për të parë shfaqjen nuk janë lejuar që të futen, madje ata kanë pritur jashtë kësaj godine duke pritur për t’u futur por gjithsesi nuk është gjendur hapësirë që ata të futen brenda.
Por çfarë ka ndodhur?
“Shuplaka” mëson se nga Tirana mbrëmjen e djeshme në Korcë në teatrit “Andon Zako Çajupi” zbarkoi ”borgjezia” e Tiranës së bashku me kryeministrin dhe ata iu kanë zënë vendet qytetarëve që kishin blerë më parë biletat.
Ende nuk dihet se kush ka bërë këtë shkelje dhe kush i ka dhënë biletat me mik por theksojmë që drejtoresha e këtij institucioni është Zamira Kita. Në Korçë kandidon ish-zëvendësi i Ramës dhe ish-kryebashkiak, Niko Peleshi. (V.G/SHUPLAKA)
