Elsa Håstad do të jetë ambasadorja e re e Suedisë në vendin tonë e cila zëvendëson në këtë detyrë ish-ambasadorin, Johan Ndisi.
Ka qenë vetë Håstad ajo që e ka bërë të ditur lajmin me anë të një postimi në rrjetet sociale me anë të një fotoje me paraardhësin i saj Nidsi.
Ky i fundit bashkë me ambasadoren kanë dalë së bashku me flamurin suedez në dorë, ku Håstad e tërheq nga vetja, ndërsa ish ambasadori Nidsi nuk e lëshon.
“Sot është dita ime e parë si Ambasadore e Suedezëve në Shqipëri. Faleminderit paraardhësi im fantastik Johan Ndisi! Më ndiqni në faqen time Ambasadoren Elsa Håstad në Shqipëri. Shihemi në Tiranë!”, shkruan ajo përkrah fotos.
Elsa Håstad ka punuar me të drejtat e njeriut që nga viti 1997, kryesisht në ish-Bashkimin Sovjetik por që nga viti 2008 edhe në Vietnam. Elsa Håstad shërbeu 1997-1999 në agjencinë e zhvillimit të KB UNDP në Bjellorusi. Që nga viti 1999 Elsa Håstad është punësuar nga Sida. Elsa Håstad ka punuar gjithashtu me Cheçeninë dhe Kaukazin e Veriut dhe Azinë Qendrore, kryesisht Taxhikistanin dhe Kirgistanin. Midis vitit 2008 dhe 2011, Elsa Håstad u spostua nga Sida për të shërbyer në Ambasadën Suedeze në Vietnam, Hanoi, ku ajo punoi me të drejtat e njeriut. Që nga viti 2011 ajo ka qenë Drejtore e Departamentit në Sida.
Në gusht 2006, Elsa Håstad u shpërblye me një Medalje Ruse të Meritimit, duke e falënderuar atë për “një bashkëpunim afatgjatë dhe të ardhshëm me Rusinë”.
Elsa Håstad është vajza e gazetares Disa Håstad dhe dramaturgut britanik Arnold Wesker.
(F.GJ/FAXWEB.AL)
