Ekspertiza mjekoligjore ka nxjerrë detaje të reja në lidhje me ngjarjen e rëndë ku ngeli e vdekur Drilona Duriçin. 34-vjeçarja humbi jetën në ashensor në janar të këtij viti në zonën e Freskut, pasi ky i fundit u përfshi nga flakët.
Sipas Prokurorisë së Tiranës shkaku i vdekjes se Drilonës ka qenë asfiksia indore (vuajtja e qelizave per oksigjen) si rezultat i mbidozimit me monoksid karboni.
Gjithashtu drejtoria e Mbrojtjes nga Zjarri dhe Shpëtimi (MZSH) bëri me dije se shkaku i renies se zjarrit ka qenë djegia e droselit të ndriçimit duke djegur pjesën e tavanit, shkuan një portal online.
Detaje:
Më datë 20.01.2017, rreth orës 10:00, në rrugën”Muhamet Deliu”, në një pallat, ka rënë zjarr në kollonën e ashensorit, ku në brendësi të kabinës së ashensorit është gjetur i vdekur një person i cili dyshohet të jetë karbonizuar. Shërbimet e policisë kanë bërë të mundur evakuimin e gjithë banorëve të pallatit. Grupi hetimor po punon për identifikimin e viktimës dhe gjetien e shkakut të zjarrit. (J.V/Shuplaka)
Discussion about this post