Grabitje me armë ka ndodhur pasditen e sotme në Rinas. Burimet policore bëjnë të ditur për Faxweb se ka të vdekur nga përplasja me armë.
Paraprakisht dyshohet se ka një të vdekur, por nuk dihen ende rrethanat e qarta të precipitimit të ngjarjes.
Ndërkohë mësohet se nga kjo pritë grabitësit kanë arritur të marrin një sasi parash rreth 10 milionë eurosh.
Një mjet i cili po transportonte para është grabitur në Rinas, ndërkohë mësohet se mjeti të cilin kanë përdorur grabitësit mbante mbishkrimin e Hetimit Tatimor.
Makina me të cilën është kryer grabitja ka qenë një furgon i bardhë pa targa ndërsa personat kanë qenë të veshur me uniformë ushtarake.
Ngjarja ka ndodhur në rrugën e Rinasit dhe dyshohet se autorët janë larguar në drejtim të Fushë-Krujës.
Burime bëjnë me dije se paratë do transportoheshin jashtë vendit ndërkohë Policia ka ngritur post-blloqe në të gjithë kryqëzimet kyçe.
Në vendngjarje kanë shkuar prokurorët së Prokurorisë së Krimeve të Rënda, Ndini Tavani dhe Kreshnik Ajazi si dhe forca të shumta të FNSH-së dhe RENEA-s.
