Një 39 vjeçare në Tiranë ka humbur jetën dy ditë më parë në maternitetin “Mbretëresha Geraldinë”. 39-vjeçarja me iniciale E.S. ishte shtruar në spital për një ndërhyrje kirurgjikale në mitër por jo gjithçka shkoi ashtu siç ishte parashikuar.
Sipas “Balkan Web” gruaja ishte ndjekur në një institucion gjinekologjik privat dhe më pas është drejtuar në maternitetin “Mbretëresha Geraldinë” ose ndryshe për të kryer operacionin për shkak të një infeksioni në mitër.
Megjithëse ndërhyrja ka shkuar mirë, sipas dëshmive të para, në fund të operacionit kanë ndodhur edhe problemet me zemrën, çka ka sjellë edhe vdekjen fatale të gruas së re.
Po kështu 39 vjeçares nuk i është kryer as ekpertiza mjeko-ligjore pasi trupi është tërhequr menjëherë nga familjarët. Po kështu janë proceduar penalisht edhe 3 mjekët që ishin në operacionin e 39 vjeçares.
DETAJE:
Më datë 24.05.2017, u referuan materialet në Prokurorinë e Rrethit Gjyqësor Tiranë, për shtetasit B.N, Z.D e V.T, vjeç 44, 50 e 61, banues në Tiranë, drejtor i një institucioni Gjinekologjik privat dhe mjek anestezist, pasi dyshohet se ka gjetur vdekjen shtetasja E.S, vjeç 39, banuese në Tiranë, të cilët nuk kanë njoftuar në kohë organet kompetente dhe kanë lejuar që të merrej kufoma nga të afërmit, pa iu nënshtruar ekzaminimeve në morgun e I.M.L. Neni 300 i Kodit Penal. (J.V/Shuplaka)
