Më shumë se 1000 trupa janë zbuluar në një varr masiv në Brest, Biollorusi duke përkujtuar kështu të shkuarën e errët të holokaustit. Qyteti i Brestit i ndodhur në afërsi të kufirit me Poloninë mesa duket e ka mbajtur si “sekret” këtë varrez gjigante për rreth 80 vjet.
Vendi i masakrës u zbulua pas nisjes së ndërtimeve të një blloku apartamentesh në zonë. Persona të trajnuar posaçërisht për zbulimin e eshtrave, kanë gjetur trupat e më shumë se 1000 hebrenjve.
Qyteti i vjetër i Brestit dikur ishte një geto hebraike, deri në fillim të viteve 1940, kur 28.000 banorët e saj, afërsisht gjysma e qytetit, u vranë, ndërsa ata pak që mbetën u larguan prej andej.
Vrasja masive mendohet të ketë ndodhur ndodhur në vitet 1940, kohë në të cilën Gjermania naziste pushtoi zonën. Gjatë Holokaustit rreth 16,000 hebrenj, shumë prej të cilëve nga Bresti, u vranë nga ushtarët nazistë në një pyll në veriperëndim të qytetit gjatë Luftës së Dytë Botërore.
Discussion about this post