E keni bërë ndonjëherë pyetjen: A më tradhëton partneri/partnerja? Kësaj pyetje i jep përgjigje, dedektivja e parë shqiptare femër, Shkënda Lili.
E ftuar në emisionin “Pasdite në Top Channel”, dedektivja private tregon vështirësitë e profesionit të saj. Vështirësia më e madhe padyshim që ka qenë familja, por vetëm në fillimet e saj.
“Ishte e vështirë t’i bindje, por unë ndërkohë isha regjistruar në shkollë, ndërsa shoqëria më njihte tipin dhe e dinin që mund ta bëja, por prapë më shihnin të habitur”, tregon Shkënda.
Ajo tregon se zakonisht për të zbuluar një rast merr një muaj kohë, megjithatë pjesa më e vështirë për të ka të bëjë me të qenit i padukshëm për personin që gjurmon.
E pyetur nëse janë vërtetuar dyshimet për tradhëti, Shkënda përgjigjet: “Dyshimet janë vërtetuar në të gjitha rastet ka thënë ajo.
“Unë u qëndroj afër sepse disa kalojnë në traumë, por ka edhe raste kur e dinë dhe duan thjesht provat, që të përballen me partnerin”, ka thënë ajo.
Një nga pyetjet që sigurisht nuk do mungonte ishte: Cila nga gjinitë është më shumë e interesuar? Mirëpo përgjigja nuk ishte femrat, por meshkujt.
Ndër të tjera dedektivja tregon se çfarë i thonë të afërmit për profesionin e saj. “Më kanë frikë, disa herë më thonë mos se kjo të fik derën”, ka rrëfyer ajo. (D.D/Shuplaka)
