Ndotja është një fenomen shumë i zakonshëm në kryeqytetin e Tiranës, ku vazhdimisht qytetarët ndeshen me aroma të pakëndshme.
Për fat të keq janë të zakonshme ambintet në të cilat ulesh për tu qetësuar apo për të konsumuar diçka dhe ndërkohë nuhat aroma të ujërave të qelbur.
Në një situatë të tillë është ndeshur edhe gazetari Urim Bajrami, i cili teksa po pinte një kafe me një mik aq shumë u mësua me aromën e rënde saqë filloi të ftonte dhe të tjerë të pinin kafe me të.
“Kaloj përditë aty. Nxitoj dhe zë hundët me dorë. Kutërbon erë shumë e keqe. Në shpinë të pallateve dhe lokaleve të shumta aty kalon një përrua i qelbur, plot ujëra të zeza e pak të bardha 🙁
Dje, ndërsa po kaloja me nxitim, dikush më thirri. Ktheva kokën dhe pashë një mik. Nga hyrja e një lokali po më ftonte për kafe. I bëra me shenjë se po nxitoja, se kisha punë, por ai këmbëngul.
U ktheva dhe u ula në tavolinë, brenda në lokal. Porosita shpejt e shpejt një kafe dhe ua nisëm muhabeteve e halleve të përditshme. Era e tmerrshme ishte aty, rreth nesh, ndërsa vazhdonim muhabetet…
Pa u ndjerë kishte kaluar më shumë se një orë. Bëj të nuhas. S’po ndjeja gjë. Jo vetëm që isha mësuar me atë erë të qelbur, por nisa të ftoj për kafe shokë e të njohur, që kalonin në rrugën aty pranë 🙂
———-
Gjes, gjes miq! Të premte të bekuar paçi!”– shkruan Bajrami në Facebook.
