Tekniku braziljan në krye të bardhebluve kryeqytetas Ze Maria, është “divorcuar” përfundimisht nga Tirana.
Burime nga klubi thanë se zhvillimet kanë ardhur për shkak të ecurisë së dobët të Tiranës në kampionat.
Ndërkohë po të njëjtat burime kanë zbuluar edhe zëvëndësuesin e tij të mundshëm. Ai pritet të jetë zëvendëstrajneri i Flamurtarit, Ardian Mema, i cili të gjithë karrierën e tij si futbollist e kaloi tek klubi i Tiranës.
Ardian Mema e ka kaluar të gjithë karrierën e tij tek klubi i Tiranës. Nga vitet 1989 deri në vitin 2003. Më pas, ai ka mbajtur poste drejtuese në klubin 24-herë kampion të Shqipërisë, ndërsa ka drejtuar edhe të rinjtë dhe ekipin B të Tiranës.
Pritet që ditën e nesërme të ketë një konferencë për shtyp në klubin e Tiranës, për zhvillimet e fundit në këtë pankinë.
(B.B/ Faxweb.al)
Discussion about this post